Petina - Whanganui

I te Wiki o Te Reo Māori 2020 ka mīharo au i te titonga waiata hou a ngā tamariki o te akomanga Pā Harakeke Tēina o Te Kura Kaupapa Māori o Te Ātihaunui a Pāpārangi ki Whanganui.
I te Wiki o Te Reo Māori 2020 ka mīharo au i te titonga waiata hou a ngā tamariki o te akomanga Pā Harakeke Tēina o Te Kura Kaupapa Māori o Te Ātihaunui a Pāpārangi ki Whanganui. Nā rātou, nā ngā Tau 5, Tau 6 o te Kura i tito ngā kupu ki te whakaahua i tō rātou aroha ki te reo, mō te reo, ki te ako hoki i te reo. Nā tō rātou pouako nā Rama Ashford rātou i ārahi, engari nā ngā tamariki ngā kupu, te rangi me ngā whakamārama. Tangi ana te ngākau engari ihiihi ana. E mihi ana ki ngā rangatira mō te āpōpō.